Etcetera

Bisaya rants..

Naghalo halo gyud akong gibati ron, naay nalooy, naay naglagot, naay nalingaw og naay na-imbyerna. Unsa ba ni uy. Umpisahan nako ha, natingala gyud ko sa ubang tawo ba. Abe kay nia na ko nagpuyo sa tate dayon lang og ingon nga “Hala uy datu na man ka, padala og dollar$$ be”. Nayabag na, unsa man ning tate ‘Money machine’?!? Pahak.. Imbis ganahan ta makig-istorya kay unsaon, kita baya ang uban uban sa una..pero na-discourage na man ko uy.

Unya ako bitaw tudluan unsaon pag-earn online, di pud mutuo nako…ahhh..unsa man na uy? Na kung di ka maningkamot para sa imong kaugalingon, aw wa gyo’y laing makatabang nimo. Ako baya bisan nia ra sa balay, naningkamot gyud ko. Sideline diri, sideline didto. Lisod man gud ning di ta maningkamot nya gadagan ang oras ba.

Lain pa’y ato…2 minutes ago, nagbasa basa ko sa forum nga akong gi-apilan. Naluoy gyud ko sa sitwasyon sa ubang pinay diri, naay uban nanrabaho para e-sustento sa nahabilin sa Pilipinas to the point nga wala nay mabilin sa ilaha unya naa po’y uban nga di tawon bisan kapa-check up kung naay gibati sa lawas tungod kay walay kwarta og walay insurance. Wala daw nagkuha ang bana kay mahal. Tinuod, dako gyud og gasto ang pag-petition. Maong katong pag-petition sa akoang bana sa akoa, pwerte nakong budget kay di ko gusto nga mangutang siya. Kalooy sa Ginoo ang nagasto niya kay ang iyaha lang savings, bahala og nahurot ang savings basta walay utang. Unya abe sa mga nahibilin sa Pilipinas nga ginapiko og ginapala ang kwarta diri. Hala uy, sad reality kaau. Murag gikumot akong kasing kasing nga nagbasa sa ilang mga kaagi.

Previledge lang kaayo ko kay akong bana medyo stable na unya naa sa military, tanang check up libre, tanang tambal namo diri sa balay libre..bisan kapila ka mu-refill or mu-request og another check up ok ra..libre. Naa pa jud gym nga libre, makatabang baya ni para mukusog ang immune system dili dayon magsakit. Unya pa jud kung ang check up didto sa ubang town, e-reimburse nila ang amoang nagamit na gas. Samantalang ang uban nag-antos tawon karon labaw na kay ting-tugnaw..ting-allergy. Ambot ba kung naay public health diri pero naa gani ta sa pinas, i’m sure naa pud na diri. Ahh, kahatag gani sila og contraceptives..naa pud cguro’y budget para sa sakit tungod sa panahon uy. Pero sa ako ng gikaingon, pamasin lang ni akoa kay wa man ko kahibalo.